Búmerkið hjá felagnum
13. jun. 2025

Lærarastarv í Sørvágs skúla 2025/26.

Hevur tú hugsjónir og dirvi at ganga nýggjar leiðir, ert tú tann fakliga sterki lærarin og megnar tú at standa á egnum beinum í einum sterkum starvsfólkahópi, so hevur tú møguleika at søkja eitt fast starv hjá okkum.

Vit søkja eftir einum lærara í fast starv.

Okkum tørvar lærara, ið kann vera flokslærari og undirvísa á øllum floksstigum. Ein fyrimunur er at kunna undirvísa í støddfrøði, náttúr/tøkni og føroyskum.

Tann, ið settur verður, skal undir ábyrgd leiðslunnar og í samstarvi við starvsfólk skúlans, taka lut í dagliga virksemi skúlans innan teir karmar, ið virðisgrundarlag skúlans ásetir.

 

Førleikakrøv

Umsøkjari skal hava læraraútbúgving og førleika í viðkomandi lærugreinum. Tó kunnu umsøkjarar, ið fáa prógv í summar, søkja á jøvnum føti við tey, ið longu hava lokið prógv.

 

Lønar- og setanartreytir

Starvi verður sett sum sáttmálasett starv, uttan so, at tann, ið settur verður, er tænastumannasettur lærari frammanundan. Starvið verður lønt í lønarflokkunum 18.1 – 29.2, sambært avtalu millum Føroya Lærarafelag og Fíggjarmálaráðið.

Barnaváttan verður kravd í sambandi við allar setanir í Sørvágs skúla.

 

Umsóknir, við avriti av prógvi, CV og møguligum viðmælum, skulu sendast til Sørvágs skúla, Skúlavegur 13, 380 Sørvági - dania.niclasen@skulin.fo - og vera skúlanum í hendi í seinasta lagi fríggjadagin 6. juni, kl. 12.00.

Meiri fæst at vita við at seta seg í samband við Daniu Niclasen, skúlastjóra, á tlf. 233221 ella á t-post: dania.niclasen@skulin.fo. Sí annars heimasíðu skúlans.