26.02.2026

Góðu konfirmantar og foreldur.

Vegna andlát í familjuni í DK, eri eg burturstødd frá 01.-08.03, konfirmantarnir fara tí í skúla týsdagin, og ikki í kirkjuhúsið. Vit síggjast aftur í kirkjuhúsinum 10.03.

16.02.2026

Góðu konfirmantar og foreldur.

Mikukvøldið 18.02 hava prestur og konfirmantar føstuguðstænastu í Sørvágs kirkju kl. 20.00. Tey ungu møta til fyrireiking 17.02 kl. 08.00, sum vanligt, har øva vit tað, sum vit gera um kvøldið. Tað er umráðandi at øll møta, tit mugu siga presti frá, um onkur ikki kann møta mikukvøldið. Aftaná guðstænastuna er drekkamunnur í kirkjuhúsinum, har tey ungu hjálpa til.

Lega í Nesvík.

Í ár fara vit á legu ein dag, vit fara leygardagin 21.02 umleið kl. 11.45 við bussi frá Sørvágs skúla, og eru aftur sama kvøld umleið kl. 24.00. Kostnaður er kr. 200,00 pr næming. Hetta er fyri bussin og matin. Um tey ynskja at keypa okkurt gott, er kioskin í Nesvík opin um dagin. Á leguni eru undirvísing í Bíbliusøgu, spøl og felagshugni, endamálið er at fáa vitan og hugna sær saman við øðrum ungum. Vinaliga sig frá hjá presti, um tit ikki koma við til Nesvíkar. Minnist til inniskógvar og Bíbliu.

_____________________________________

Vegna skeiðsvirksemi hjá prestunum, møta konfirmantarnir í kirkjuhúsinum týsdagin 27.01.2026 kl. 08.00 - 09:00. Tá fara teir niðan í skúlan og halda fram við verkætlanini.